Dalawang taon na yun.
Baka pwede na?
Masaya naman na siya... alam mo na rin naman na masaya siya, na ligtas siya. Siguro naman ngayon pwede na, na ikaw naman ang maging masaya.
Alam kong tinutukan mo sarili mo sa loob ng dalawang taon, dinayo ang iba't ibang isla, nilusong ang ang mga dagat, at inakyat mga bundok para lang makalikas mula sa mga alaala nya. Subalit alam naman natin, sa paglubog ng araw, sa iyong paghimlay, walang kasing lamig na kalungkutan ang bumabalot sa iyong puso. Hindi ka man lumuluha, pero sa kalooblooban mo, ang puso mo'y nagluluksa bawat gabi.
"At the end of the day..."
"...no letting go"
Lahat ng ito'y bale wala na ngayon.
Kaya tama na. Dalawang taon na. Pwede na ba?
